3600 ажыг өг-бүле "Социал хөмүр-даш" төлевилелинге киржир билдириишкинни киирген

"Социал хөмүр" губернатор төлевилелинге киржир күзелдиглер документилерин 2023 чылдың февраль 1-ден март 31-ге чедир дужаап турар. Бо хүнге чедир 3600 ажыг өг-бүле документилерин дужааган. Билдириишкинни тус черлерде Уругларга болгаш өг-бүлелерге дуза чедирер төптерге, Кызыл хоорайда - Бай-Хаак кудумчузунуң 6 дугаар бажыңда кабинетке киирер.

Киирген билдириишкини тускай хыналданы эрте берген хамаатыларга 2023 чылдың сентябрь 1-ден эгелээш, хөмүр-дашты азы одаар ыяшты дүжүрүп берип эгелээр.