Тывада олимпийжи чемпион Евгений Устюгов чедип келген

Бөгүн Таңдының Бай-Хаак суурга олимпий оюннарының биатлонга ийи дакпыр чемпиону, Россияның алдарлыг спорт мастери, делегей чемпионадының мөңгүн медалының ийи дакпыр эдилекчизи Евгений Устюгов кээп чораан. Ол Таңдының спорт школазынга четкеш, хаактыг чарышка сонуургалдыг өөреникчилер болгаш тренер башкылар-биле ужурашкан.

Алдарлыг чемпионну Тываның Хаакка чарыш федерациязы 2018 чылдан тура чалап келген. 

Бо удаада, март 18-те "Тайга" станциязынга болур "Хар ирбижи - 2023" хаак чарыжының VI маргылдаазынче Евгений Устюгов хүндүлүг аалчы кылдыр чалаткан.