Тывада кадык камгалал талазы-биле айтырыгларлыг хамаатыларны хүлээп алыр неделя чоруп турар

«Чаңгыс демниг Россия» партияның регион салбырының баазазынга, марттың 6-дан 9 хүннеринде, кадык камгалалының талазы-биле айтырыгларлыг хамаатыларын хүлээп, оларга консультацияларны бээр.
«Чаңгыс демниг Россия» фракциядан ТР-ниң Дээди Хуралының (парламент) депутаттары - кадык камгалал болгаш социал хөгжүлде комитединиң кежигүннери, ТР-ниң Ыяап-ла медицина камгаладылга фондузунуң, ТР-ниң Кадык камгалал яамызының, Роскадык камгалал хайгааралының ТР-де территориалдыг органының, Россияның Социал фондузунуң ТР-де салбырының, Росхереглел хайгааралының ТР-де эргелелиниң төлээлери чонну хүлээп алыр.
Бөгүн ТР-ниң Дээди Хуралының (парламент) даргазының оралакчызы Виктор Глухов биле ТР-ниң кадык камгалал сайыды Анатолий Югай, ол ышкаш депутат Долаан Калбак биле Роскадык камгалал хайгааралының ТР-де территориалдыг органының удуртукчузу Алла Намдак олар хүлээп алыышкыннарны кады кылыр.
Марттың 9-та, эртенгиниң 10-00 шактан 12-00 шакка чедир, кадык камгалал болгаш социал хөгжүлде комитединиң даргазы, депутат Ульяна Монгуш биле Россияның Социал фондузунуң ТР-де салбыр эргелекчизиниң оралакчызы Елена Чап, а 14-00 шактан 15-00 шакка чедир депутат Вячеслав Ховалыг биле Росхереглел хайгааралының ТР-де эргелелиниң удуртукчузу Людмила Салчак айтырыгларлыг чонну хүлээр.
Партияның регионда хөй-ниити хүлээп алыышкынының дараазында телефонунче долгааш бижидип ап болур: 8 (394-22) 3-38-31, адрези: Кызыл хоорай, Ленин кудумчузу, б. 32, кабинет №122 (ТР-ниң Дээди Хуралының (парламент) бажыңы).