Кызылда школачылар ортузунда «Мини-футболду – школаларже» бүгү-российжи оюннарның тиилекчилери илереттинген

09.01.2023

«Мини-футболду - школаларже» бүгү-российжи төлевилел боттанылгазы-биле Тываның найысылалынга, школачылар аразынга мини-футбол маргылдаазы доозулган. Маргылдааның шупту бөлүктериниң тиилекчилери, февральда, Томск хоорайга Сибирь федералдыг округка регионнуң адын камгалап киржир.
Кызылга кышкы дыштанылга хонуктарында эрткен мини-футболга бүгү-российжи маргылдааның регион чадазының ийиги кезээниң түңнел оюннары ортумак болгаш бичии бөлүктерниң тиилекчилерин илереткенин, респбликаның Спорт яамызы дыңнаткан.
Найысылалдың 5 дугаар гимназиязының ойнакчылары бичии бөлүкке (2005-2006 чылда төрүттүнген ойнакчылар) бирги черни алган. А кыстар аразынга Бай-Тайга кожууннуң Кызыл-Даг школазының командазы тергиидээн.
Маргылдааның ортумак бөлүүнде оолдар аразынга (2099-2010 ч.т) Чөөн-Хемчик кожууннуң Бажың-Алаак школазының чыынды командазы чемпионнаан. Барыын-Хемчик кожууннуң Аксы-Барлык школазының кыстар командазы бо бөлүкте тиилээн.
«Тулган вратарь», «Тулган камгалакчы», «Тулган ойнакчы» база «Тулган халдакчы» деп аттарга төлептиг тиилекчилерни илереткен.
Маргылдааның тиилекчилеринге база шаңналдыг черлер алган командаларга кубоктарны, дипломнарны, хүндүлел бижиктерни, медальдарны, тураскаал шаңналдарны база ТР-ниң Өөредилге яамызының, ТР-ниң Спорт яамызының база “ТР-ниң футбол федерациязы” РХО-нуң сертификаттарын тывыскан.

Бичии бөлүк (2005-2006 ч.т.):
Оолдар:
I чер – Кызылдың 5 дугаар гимназиязы;
II чер – Чеди-Хөл кожууннуң Хову-Аксы школазы;
III чер – Ак-Довурак хооорайның «Өлчей» лицеи.
Тускай шаңналдар:
«Тулган вратарь» – Лопсан Айраат, Ак-Довурак хоорай;
«Тулган камгалакчы» – Ооржак Эртине, Чадаана хоорай;
«Тулган ойнакчы»» – Сарыглар Айдыс, Хову-Аксы суур;
«Тулган халдакчы» – Чамбал Санчай, Кызыл хоорай.
Уруглар:
I чер – Бай-Тайга кожууннуң Кызыл-Даг школазы;
II чер – Чөөн-Хемчик кожууннуң Чадаананың 3 дугаар школазы;
III чер – Кызылдың 9 дугаар гимназиязы.
Тускай шаңналдар:
«Тулган вратарь» – Сувак Чайгарина, Кызыл хоорай;
«Тулган камгалакчы» – Кочаа Анджелика, Кызыл-Даг суур;
«Тулган ойнакчы» – Салчак Айыраа, Кызыл-Даг суур;
«Тулган халдакчы» – Салчак Саглай, Чадаана хоорай.
Ортумак бөлүк (2009-2010 ч.т.):
Оолдар:
I чер – Чөөн-Хемчик кожууннуң Бажың-Алаак школазы;
II чер – Кызылдың 5 дугаар гимназиязы;
III чер – Чеди-Хөл кожууннуң Чеди-Хөл школазы.
Тускай шаңналдар:
«Тулган вратарь»» – Ооржак Чаян, Ак-Довурак хоорай;
«Тулган камгалакчы» – Биче-оол Арслан, Хову-Аксы суур;
«Тулган ойнакчы» – Оюн Очур, Бажың-Алаак суур;
«Тулган халдакчы» – Ооржак Чыргал, Кызыл хоорай.
Уруглар:
I чер – Барыын-Хемчик кожууннуң Аксы-Барлык школазы;
II чер – Улуг-Хем кожууннуң Чааты школазы;
III чер – Каа-Хем кожууннуң Суг-Бажы школазы.
Тускай шаңналдар:
«Тулган вратарь» – Кувезина Мира-Слава, Суг-Бажы суур;
«Тулган камгалакчы» – Монгуш Буяна, Чааты суур;
«Тулган ойнакчы» – Хомушку Декабрина, Аксы-Барлык суур;
«Тулган халдакчы» – Кунгаа Хаяна, Аксы-Барлык суур.