Медицина эртемнериниң кандиады, чүрек-дамыр хирургу Саая Шораан: республиканың эмчилеринге «Мээң эмчим» төлевилел дыка херек

Тыва Республиканың 1 дугаар республика эмнелгезиниң чүрек кезер салбырының эргелекчизи, медицина эртемнериниң кандидады, чүрек-дамыр хирургу Шораан Саая чаа специалистерни хаара тудуп, өске регионнарже ажылдап чоруй барган эмчи ажылдакчыларын эгидип алырынга «Мээң эмчим» төлевилел салдарлыг болурун демдеглээн:
"Республика Баштыңы социал адырда, ооң иштинде кадык камгалал адырында айтырыгларны көдүргенинге таарзындым. Бо чылын чонга эмчи дузазының чедирилгезин хөгжүдер дээн тодаргай базымнарны чиге болгаш билдингир кылдыр илеткеди. Аар өртектиг, бедик технологтуг медицина дериг-херекселдерин садып, республикаже мергежилдиг эмчи кадрларны хаара туткан.
Регионнуң бар онзагайларын өөренип көргеш, Баштыңның саналдап киргени «Мээң эмчим» төлевилел бистиң ажылдакчыларывыска, эмчилерге дыка херек деп санап тур мен. Бо төлевилел өске регионнардан специалистерни база хаара тудары чадапчок. Боттарның үезинде республикадан чорупкан бистиң специалистеривисти база. Тывага төрүттүнген, чурттуң өске регионнарында ажылдап, чурттап турар специалистерни дедир эгидип, хаара тудар боор".