Тыва бо чылын «Экология» национал төлевилел-биле 24 санныг тускай техниканы алыр

«Экология» национал төлевилелдиң “Арга-арыг камгалалы” федералдыг төлевилел күүселдези-биле "BELARUS МУЛ-82.2" маркалыг үш универсал арга-арыг машиназы келген. Арга-ыяшты катап тургузар, кескен соонда арыглаар, ыяшты сорттаар, чыыр, чүдүрер, дүжүрер, арга-арыг болгаш өртка удур ажылдарга ол техниканы ажыглаар деп, яамы дыңнаткан. Регионнуң арга-арыг ажыл-агыйларынче машиналарны хувааган.
Бо чылын национал төлевилелдер күүселдези-биле республикага 24 тускай техниканы садар, бөгүнге чедир оларның 20-зин ажыл-агыйлар алган.
Республиканың арга-арыг ажыл-агыйының специалистери 2022 чылда 8700 га черге арга-ыяш олуртур ажылдарны 8743,4 га кылдыр ажыр күүсеткенин сагындыраал. 930,40 га черге ыяштарны тарып олурткан (104,8%) болза, 7813 га черде арга-ыяштың чайгаар өзүлдезин (планны 100 хуу) чедип алган.
Тускайжыттынган албан черлери күрүне чагыы-биле арга-ыяшты катап тургузар ажылдарны чоруткан.