Тывада дош кежиглерни ажыткан

Республиканың кожууннарында үш дош кежигниң ийизин - Каа-Хемде «Бельбей» база Улуг-Хемде «Эйлиг-Хем» кежиглерни декабрь 6-да ажыткан. Россияның ОБЯ биче хемчээлдиг суднолар талазы-биле күрүне комиссиязының инспекторлары Сарыг-Сеп суурдан Балгазынче Каа-Хем хемниң дош кыры-биле чоруурунга шиитпирин бо хүннерде үндүрер.

 «Сарыг-Сеп – Кунгуртуг» кышкы автооруктуң 32-ги километринде, Каа-Хемни кежир «Бельбей» деп черде дош кежиглеп 10 тонна чедир чүъктүг эртип болурун Тыва Республиканың хамааты камгалал болгаш онза байдалдар албаны  дыңнаткан. Улуг-Хем кожууннуң Эйлиг-Хем суурже Улуг-хемни кежир дош кыры-биле 10 тонна чедир чүъктүг кежер орук ажыттынган.

Чолаачылар дош кежиглеп чорааш, орук демдектерин: айыттынган хемчээлден хөй эвес чүъктүг, машиналар аразының хемчээлин, дүрген чоруурун сагыыры албан. Дош кыры-биле кежерде пассажирлерин дүжүрер, айыыл чок чоруктуң курун куржаныр.
Чырык үеде дош кежиглеп чоруурун, кежер чөпшээрел бербээн черлеп чорууру айыылдыг дээрзин, ОБЯ-ның ТР-де кол эргелели сагындырып тур.