Тываның автооруктарында чылыгар черлерни ажылдаткан

Тыва Республиканың автомобиль оруктарының эргелели регион болгаш муниципалдар аразында оруктарда чылыгар черлер кылыр дөрт вахта турлаан ажытканын дыңнаткан. Агаарның сооп келгени-биле, “Урал” улуг машианаларда көжүп чоруур чылыгар пунктуларны база автокыштагларда чылыг өрээлдерни тускайлаан.
Орук ара дараазында черлерге:
1. «Абаза ОТСУ» КХН организациязының харыылап турары «Абакан – Ак-Довурак» автооруунуң 332 км-де “Сотый” арт кырынга;
2. «Өвүрнүң ОТСУ» КХН организациязының харыылап турары «Хандагайты – Мугур-Аксы» автооруунуң 37-ги километринде «Калчан» арт кырынга;
3. «Өвүрнүң ОТСУ» КХН организациязының харыылап турары «Хандагайты – Ак-Чыраа» оруунуң 58-ки километринде “Тээли” арт кырынга;
4. В.Л. Юрковтуң хуу бүдүрүлге организациязының хандырылгазында «Бояровка – Тоора-Хем» автооруунуң 102-ги километринде «Мон» арт кырынга доктаап, чылыгып ап болур.
«Цагаан-Толгой – Качык», «Бүрен-Аксы – Элегес-Аксы – Кунгуртуг» кышкы турлагларга кончуг сооктарда, көжүп чоруур чылыгар черлер ажылдаар.
Тере-Хөл кожуун чагыргазы-биле «Ойна» алдын тывыш чери кады демнежип, «Бүрен-Аксы – Элегес-Аксы – Кунгуртуг» аразында орукчулар отту салгаш, чылыгып алыры кылдыр, казанакты туткан.