Тываның Баштыңы «Серебрянка» санаторийде реабилитация эртип турар шериг оолдарга ужурашкан

Тываның Баштыңы Владислав Ховалыг ооң даалгазы-биле ажылдап кылган “ногаан коридор-биле” «Серебрянка» санаторийинде кадыын быжыглап чыдар тускай шериг операциязының киржикчилери тыва шериглерге база эки турачыларга барып ужурашкан. Владислав Ховалыг ооң дугайында бодунуң блогунда дыңнаткан.
«Бөгүн оолдарга ужуражып чордум, шериг албанныглар ында байдалдарга таарзынган болду. Амгы үеде сес оол кадыкшылга курузун эртип чыдар. Ооң мурнунда шериг операциязының 30 киржикчизи немелде эмнээшкинни алган» - деп, Тываның Баштыңы бодунуң блогунда бижээн.
Владислав Ховалыг ол чорааш, аныяк эки турачы К-Д. Лопсан-Комбунуң авазы Алена Эрес-ооловнага ужурашкан. Тываның кадык камгалал сайыды А.К. Югай Алёна Эрес-ооловнаның аарыын тодарадыр дээш, соңгаар эртем-шинчилел институттары-биле ам-даа ажылдаар деп турарын чугаалаан.
«Авазын бут кырынга тургузуптар дээш шупту аргаларны ажыглаар бис деп, Кан-Демирге аазаан кижи мен» - деп, Тываның Баштыңы демдеглээн.
Владислав Ховалыг санаторийниң кол эмчизи Оксана Гостюхина-биле санаторийниң иштин эргип көрген.
«Кадыкшылгалыг реабилитация үезинде, эң сөөлгү арга-хевирлерни болгаш дериг-херекселдерни ажыглаан комплекстиг ажыл херек. Оон аңгыда санаторийниң орун фондузун калбартыр деп бодап турар бис. Оран-саваны немей тударының бир аргазы бар. Ол бүгүнү сайгарып көргеш, санааш, шиитпирни үндүрер бис» - деп, ол чугаалаан.