"Енисей Сибириниң лидерлери" регионнар аразының конкурузу эгелээн

2022 чылдың ноябрь 15-тен декабрь 15-ке чедир «Енисей Сибириниң лидерлери» регионнар аразының конкурузу онлайн-хевирге болуп эртер. «Енисей Сибири» комплекстиг инвестиция төлевилелиниң кадр курлавырын хевирлээри-биле, башкарыкчы болгаш мергежилдиг специалистерни дилеп тывырынче конкурсту угландырган.
Красноярск крайда, Хакас Республикада, Тыва Республикада улуг инвестицияи төлевилелдеринге ажылдаар күзелдиг, 18 хардан өрү назылыг Россияның хамаатылары конкурска киржип болур.
Конкурска киржир дизе, декабрь 15-ке чедир тускайлаттынган курлавырга бүрүткедир, бүрүткел соонда киржикчилерге тускай резюмени белеткээр. Конкурс киржикчилери дараазында чадада - «төлевилелдерни удуртуп-башкарары», «чурагай билиглери», «харыысалга», «системниг боданыышкын» деп адырларга айтырыгларга харыылаар. Адыр бүрүзүнге демдектерни салыр; эң хөй сан алган кижи тиилээр. Компьютерге тестини эртип болурунче кичээнгейни угландырдывыс.
Тиилекчилерниң даңзызын 2022 чылдың декабрь 22-де ensib.ru сайтыга парлаар. «Енисей Сибири» комплекстиг инвестиция төлевилелиниң кадр курлавырынче тиилекчилерни киирер, төлевилел киржикчизи компанияларда хостуг ажылчын олуттар бар болза. оларга ону сүмелээр.