Бо чылын Тываның суурлары база бичии хоорайларынче 30 эмчи ажылдап чедип келген

2022 чылда Тыва “Көдээ черниң доктору” база “Көдээ черниң фельдшери” программаларны бүрүнү-биле күүсеткен. Ол программаларның 30 киржикчизинге деткимче акшазы кылдыр 54 млн рубльди төлеп бергенин ТР-ниң Кадык камгалал яамызы дыңнаткан.
Өске регионнардан Тывада келген 12 эмчи – хуу эмнээшкин талазы-биле 3 эмчи, өске структуралардан 3 специалист база бир фельдшер күрүне керээзиниң негелдези езугаар көдээ черлерде ажылдап чеде берген. Керээ-биле чедери берге ыраккы суурларда ажылдап чеде берген 24 эмчи 2 млн рубльди, а бичии хоорайларда 4 эмчи база ФАП-траның ийи фельдшери 1-1 млн рубльди алган.
Тус черлерниң эмнелге организацияларында акушер-гинеколог, невролог, ниити практика эмчизи, онколог, отоларинголог, офтальмолог, педиатр, психиатр-нарколог, дөрт стоматолог эмчилер, участок терапевтери, ийи травматолог-ортопед, фтизиатр, хирург, ийи эндокринолог эмчилер кожууннарының чурттакчы чонунга тускай мергежилдиг эмчи дузазын көргүзүп эгелээн.