Тываның Баштыңы республика чурттакчылары-биле дорт харылзааже үнер

Ноябрь 26-да 15 шакта Тываның Баштыңы Владислав Ховалыг дорт эфирге чурттакчы чоннуң айтырыгларынга харыылаар. Дорт харылзааны хемчегниң методологтуг болгаш техниктиг үделгезин хандырып турар Тываның Регион удуртулгазының төвүнүң (ЦУР) шөлүнге эрттирер.

Дараазында аргаларны ажыглап тургаш, ам-даа болза Тываның Баштыңынга айтырыгны салып болур:

1. «Телеграм» мессенджерни ажыглап турарларга @glavatuva_bot тускай чат-ботту тургускан.

2. «Вайбер» ажыглап турар кижилер айтырыын https://qptr.ru/Rn8F бот таварыштыр салыры эптиг.

3. «Удур-дедир харылзаа платформазы» федералдыг система таварыштыр электроннуг дилег кииреринге Тываның Баштыңының дорт шугумунга тускай хевирни тургускан: https://pos.gosuslugi.ru/lkp/direct-line/120/

4. «ВКонтакте» социал четкиде Тыва Республиканың Регион удуртулгазының төвүнүң арнын таварыштыр: https://vk.com/tsur17.

Айтырыгларны сөзүглел, азы чуруктуг сөзүглел, аудио азы видео кылдыр чорудуп болур. Аргалыг-ла болза бодунуң адын, берге айтырыгның тодаргай адрезин айтып каар болза эки.

«Телеграм» болгаш «Вайбер» чат-боттар таварыштыр дилег киирген хамаатыларга дорт эфир болур хүнде, ооң эгелей бергениниң дугайында СМС-дыңдадыг чедип кээр.

Ол ышкаш дорт эфирни ноябрь 26-да 15 шакта Тыва Республиканың Баштыңы Владислав Ховалыгның хуу арынындан https://vk.com/vladislavkhovalyg база Тываның ЦУР-нуң https://vk.com/tsur17  арынындан көрүп болур.