Тываның Баштыңы Татарстанда Чоннар найыралының бажыңынга чораан

Тываның Баштыңы Владислав Ховалыг ажылчын сургакчылаашкын үезинде Татарстанда Чоннар найыралының бажыңынга чораан. Бо чылын Татар Республиканың чоннар Ассамблеязы тургустунганындан бээр 30 чыл болган оюн демдеглеп турар. Казань хоорайда чурттап чоруур тываларның "Алантос” национал-культура автономиязы ол акы-дуңмалышкы өг-бүлениң чарылбас кезээ апарган.
«Найыралдың өргээзинге албан-биле келген бир дугаар регион удуртукчузу-дур силер. Бир дугаары болганыңарны кезээде үнелеп, демдеглеп артар бис” – деп, албан чериниң директору Ирек Шарипов демдеглээн.
Владислав Ховалыг Чоннарн найыралының бажыңынга чорааш, Гумер Сабирзянов-биле ужурашкан. Ол башкылаашкын ажылындан эгелээш Тыва партия обкомунуң өөредилге килдизиниң удуртукчузунга чедир күш-ажылчы орукту эрткен. Амгы үеде Гумер Салихович Татар энциклопедия институдунуң удуртукчуларның бирээзи, Урянхай-Тыва энциклопедиязының бирги кезээниң кол консультантызы. Тываның баштыңы эртем-чырыдыышкын ажылында улуг чедиишкиннери дээш Гумер Сабирзяновту «Буян-Бадыргы» орденниң III чергези-биле шаңнап, каң кадыкшылды күзээн.
«Тывада татарлар болгаш башкирлер ассоциациязы эң идепкейлиг ажылдап турар. Чоннарның чаңгыс деминиң хүнүде, чоокта чаа, Сабантуй национал байырлалды келир чылын эрттирер деп дугуруштувус. Татарстан-биле кады культурлуг солчулгаларга кезээде белен бис» - деп, Владислав Ховалыг демдеглээн.
Татарстанн чоннарының культуразын кадагалап база хөгжүдер талазы-биле хөй-ниитичи национал-культура организацияларынга күрүне деткимчезин көргүзер сорулгалыг Чоннар найырлалының бажыңын Татарстанда 1999 чылда ажыткан. В 1992 чылда Татарстанның чоннарының бирги съездизинде Татарстан Республиканың национал-культурлуг ниитилелдер ассоциациязы тургустунган.