Тывада үндүрүг төлекчилери эт-хөреңги үндүрүүн төлээр дыңнадыышкыннарны алыр

14.09.2022 Тывада 2021 чылда эт-хөреңги үндүрүүнге 136 муң үндүрүг дыңнадыышкыннарын белеткеп, ооң 47 муңун “Хуу кабинеттеринче” чоруткан. 85 муң үндүрүг төлекчизи үндүрүг дыңнадыын почтадан алыр. Хамаатының өнчүзүнде шимчевес өнчү объектилеринге база бүгү-ле эт-хөреңгиге үндүрүглерни чаңгыс дыңнадыгда киирген.
Россияның федералдыг үндүрүг албанының "Үндүрүг төлекчизи кижиниң хуу кабинеди https://lkfl2.nalog.ru/)&quot интернет-сервизинден; “Кижиниң үндүрүглери” https://play.google.com/store/apps/details?id=ru.fns...)&quot мобильдиг капсырылгадан 2021 чылда чер, транспорт үндүрүглери база эт-хөреңги үндүрүүн канчаар санаанын көрүп болур.
«Хуу кабинеттиң» ажыглакчылары сервизинде санаашкыннар дугайында медээ бар болза, үндүрүг төлээр квитанцияны парлап, азы онлайн-төлевирни кылып болур.
2022 чылдың декабрь 1-ге чедир төлевирни бүрүнү-биле кезектеп-даа тургаш, төлеп алыры күзенчиг.
Үндүрүг төлээр qr-кодче база бюджет системазынче үндүрүгнү шилчидер реквизиттерни дыңнадыышкында айтып каанынче киээнгейни салырын Үндүрүг инспекциязы сүмелээн. Аңгы төлевир документизи, квитанция чорутпас.
“Хуу кабинетте” коштунган шупту хамаатылар үндүрүглер төлээр дыңнадыгны электроннуг хевирге алыр. Чоогунда үндүрүг инспекциязынче четкеш, бодун шынзыткан документ-биле сервистиң паролюн катап тургустуруп ап болур. Күрүне ачы-дузазының порталынга (ЕСИА) бижээш, сервисче кирер.