26.08.2022
Тыва Республиканың Чазааның даргазының оралакчызы Елена Хардикова республиканың улуг ажыл берикчилери ажылдакчылар санын кызырарын планнавайн турарын социал-күш-ажылчы хамаарылгалар өйлээр талазы-биле ажылчын комиссияның хуралында дыңнатканын чугаалаан.
Республикада ажыл чок чоруктуң санын көвүдедерин болдурбазы-биле, бооп болгу дег чүүлдерни чайладыр даалганы ажылчын комиссия кежигүннеринге сагындырган. Россияның Президентизи Владимир Путин чурттуң күүсекчи эрге-чагырга органнарының мурнунга ындыг даалганы салган.
Республиканың кол яамылар болгаш ведомстволарының, улуг бүдүрүлгелериниң, организациялар болгаш профэвилелдериниң төлээлери хуралга олурушкан. Олар күш-ажылчы коллективтерде ажылдакчыларны ажылындан хостап турда бооп болур чүүлдерни чугаалаан.
«Тываэнергосбыт» АН-да, Ажаалга банкызы, Росбанк дээн ышкаш башкарыкчы банкылар кирген банк адырында, кадык камгалал организацияларында, арга-арыг ажыл-агыйларында байдалды аңгы чугаалашкан.
Банкылар төлээлери оларның адырында кызырылда дугайында чугаа чорбайн турарын, харын-даа удуртулга боттарының албан-хаакчыларын үнелеп, оларның өөредилгезинче база ажылга депшилгезинче хөйнү салып турарын дыңнаткан.
Республиканың күүсекчи эрге-чагырга органнарынга, Өнчүден хамаарылга чокка, албан черлери ажылчын олуттар санын кызырар база хамааты-эрге-хоойлу керээлерин үзе чарар чоруктарны болдурбас даалгаларны шупту ажыл берикчилеринге, республиканың күүсекчи эрге-чагырга органнарынга берген.
Тываның Күш-ажыл яамызы күш-ажыл рыногунда байдалды хүн бүрүнүң контолюнда алган. Ажылдакчыларын кызырар, ажыл-чорудулгазын соксадыр азы түр када тургузар дугайында медээлер кээп турар бүдүрүлгелерже онза кичээнгейни угландырган.
Күш-ажыл керээзин соксадып азы кызырылга кылыр деп турар факт-барымдааларны яамының 8(39422)5-61-95 дугаарлыг “изиг шугум” телефонунче дыңнадып болур.