«Кадык камгалалы» национал төлевилел-биле Тываның кожуун эмнелгелери амгы үениң дериг-херекселдерин алган
11.08.2022
Тывада кадык камгалалының бирги звенозун чаартыр регион программазын күүседип, ниитизи-биле 25,8 млн. ажыг рубль түңге он санныг эмнелге дериг-херекселдерин саткан.
Улуг-Хем, Барыын-Хемчик, Чөөн-Хемчик кожууннар аразының эмнелге төптеринче база ол ышкаш Чеди-Хөл, Каа-Хем, Мөңгүн-Тайга, Өвүр, Сүт-Хөл база Таңды төп кожуун эмнелеринге “WATO EX-35” деп маркалыг, шимчедип болур наркоз-тындырар ажылдыг тос аппаратты саткаш, дамчытканын регионнуң Кадык камгалал яамызы дыңнаткан. Ол аппараттар билинместедир холуксааны өкпеже бичелеп бээринге дыка херек. Айыыл чок болгаш шынарлыг аппарат оон-даа өске эмнээшкин чорудуунга ажыктыг.
Чаа аппарат эмчилерниң ажылынга дыка дузалыын Улуг-Хемниң кожууннар аразының эмнелге төвүнүң анестезиолог-реаниматолог эмчизи Аржаана Аспан-оол демдеглээн. Өкпени тындырар аргалары хөй болганындан, ооң ажыглалы калбак.
Оон аңгыда Улуг-Хемниң кожууннар аразының эмнелге төвүнде 4,9 млн рубль үнелиг эндоскопия аппарадын база тургускан.
2022 чылда “Кадык камгалалы” национал төлевилелиниң “РФ-тиң кадык камгалалының бирги звенозун эде чаартыры” федералдыг төлевилели боттанып турарын сагындыраал. Чуртакчы чоннуң аңгы-аңгы бөлүктериниң чурттап, ажылдап база өөренип турары черинге эмчи дузазын көргүзерин организастаары – ооң кол сорулгазы.
Возврат к списку
|