Тываның чурттакчылары тускай шериг операциязын деткээн митингиже үнген

09.08.2022 Бөгүн Кызыл хоорайның национал парыгынга, ДУР болгаш ЛУР-нуң чурттакчыларын камгалаан тускай шериг операциязында киржип турар Россияның Чепсектиг күштерин деткээн митинг болуп эрткен.

Хөй-ниити организацияларының, политиктиг партияларның төлээлери, бүдүрүлгелерниң ажылчыннары, автивчилер, волонтерлар база республиканың чурттакчылары аңаа киришкен.

Росгвардияның Тывада эргелелиниң төлээлери, тускай дайынчы операцияның киржикчизи сөстү алгаш, дайынчыларга база эки турачыларга өөрүп четтиргениниң сөстерин илереткен.