Тывага маска чурумун сагыыр
08.08.2022
Тывага масканы кедери амдыызында албан эвес бол, эрткен хүнде Тывада COVID-19-тан 43 кижи аарааны бадыткаттынган. Бо хүнде аарыг 332 кижиниң 247-зи амбулаторлуг, а 85-и стационарлыг эмнээшкинде деп, кадык камгалал сайыды Анатолий Югай аппарат хуралында дыңнаткан. Эмнелгелерде чыдар аарыг кижилерниң байдалы ортумак.
Республикада катап тарыдар ужурлуг кижилерниң 98 хуузу, азы 165 муң кижиниң 162557-зи бирги тарыышкынны эрткен. Катап дагын тарыдарын 89152 кижи алган, азы катап тарыдар кижилерниң 86,3 хуузу. Долу курсту 110248 кижи, азы планнаанындан 66,5 хуузу эрткен.
Таңды, Тес-Хем, Чаа-Хөл, Өвүр база Мөңгүн-Тайга кожууннар чурттакчы чонну тарыыр талазы-биле мурнуку черде.
Август 7-ниң хүнү-биле алырга, алды ай бурунгаар COVID-19-тан тарыткан 103 261 кижи ревакцинацияны алыр ужурлуг. Олардан 89152 кижи, чурттакчы чоннуң 86,3 хуузу Спутник Лайт-биле ревакцинацияладыр. 24 371 кижи долу курсту (I база II компонентини) алган.
Тывада 251709 кижи тарыышкынны база катап тарыышкыннарны алган. Бистиң регион вакцина салыр план талазы-биле российжи рейтингиде үшкү черни ээлеп турар.
Возврат к списку
|