Таныштырылгалыг видеороликтер федералдыг конкурузунга регионнуң төлевилел офизи тиилээн
04.08.2022
«Национал төлевилелдер – дээштиг, дүрген, үре-түңнелдиг» деп бүгү-российжи конференция үезинде эң эки таныштырылга-видеоролик дээш регионнарның төлевилел офистериниң аразынга конкурс болуп эрткен.
Видеороликтер конкурузунуң түңнелинде, Тыва Республиканың Төлевилел ажыл-чорудулгазының эргелели эң-не тергииннерниң санынче кирип, бирги черни төлептии-биле чаалап алган.
Регионнуң төлевилел офизиниң коллективи бүгү-российжи конференцияның «Креативтиг команда» деп улуг шаңналынга төлептиг болган.
2022 чылдың июль 28-тен 30 хүннеринде төлевилел офистериниң удуртукчуларының «Национал төлевилелдер – дээштиг, дүрген, үре-түңнелдиг» деп бүгү-российжи конференциязы болуп эрткен. Хемчегге РФ-тиң Чазааның төлевилел офизиниң база национал төлевилелдер дээш харыысалгалыг ведомство болгаш регион төлевилел офистериниң ажылдакчылары киришкен. Конференцияның киржикчилери национал төлевилелдерни турум бурунгаарладырының арга-хевирлерин, чаартыкчы туруштарны, амгы төлевилелдерниң технологиязында чажыттарны, чедимчелиг үре-түңнелдерлиг арга-дуржулгаларын солушкан. Хемчег тускайлаң, солун болгаш чогаадыкчы эрткенин регионнуң төлевилел офизиниң удуртукчузу демдеглээн.
Тыва Республиканың Баштыңының Администрациязының база Чазак Аппарадының төлевилел ажыл-чорудалга эргелелиниң начальниги Чечек Артна конференцияның ажылынга киришкенин сагындыраал.
Возврат к списку
|