Тыва тускай шериг операциязындан шөлээлеп келген оолдарын уткуп алган

29.07.2022 Бөгүн, июль 29-та, тускай шериг операциязынга киржип турган оолдарны эртенги рейс-биле Кызылдың аэропортунга уткуп алган. Чер-чуртунуң эргим довураанда 30 маадырлар хонупканы ол. Солдаттарны төрээн болгаш чоок кижилери, ТР-ниң Чазаандан, Дээди Хуралдан база республиканың Хөй-ниити палатазындан албан езунуң делегациязы уткаан.

Солдаттарның төрээн черинде баскан бирги базымнарын шериг хөгжүм оркестриниң хөгжүмчүлери үдей бээрге, чүден өөрүнчүг болган.

Бистиң шериг оолдарывыс амдыызында шөлээлеп келгеннер. Төрээн чериниң агаар-бойдузунга дыштанып, күш ап алгаш, албан хүлээлгезинче база катап аъттаныптарлар.
Дүүн, июль 28-те, 55-ки бригаданың командылалы Кызыл хоорайже кирер орукта “Даштар хоорайжыгажынга” 50 дайынчызын уткуп алганын сагындыраал.