Владивостокта “Азияның уруглары” VII делегей оюннары эгелээн

29.07.2022 Июль 28-те, Владивостокта “Азияның уруглары” VII делегей оюннарының байырлыг ажыдыышкыны база бирги старты болуп эрткен. Сибирь федералдыг округтуң составы-биле 9 спортчу база бир тренер Тываны төлээлеп, хостуг хүрешке база якут чоннуң хапсагай хүрежинге киржир.

Бо чылын Россияның сес регионундан база делегейниң 12 чурттарындан 1300 ажыг элээди спортчулар маргылдааларга киржир. Спорттуң 19 аңгы хевири: бадминтон, баскетбол, бокс, кураш хүреш, брейкинг, дзюдо, чиик атлетика, мас-рестлинг, мини-футбол, стол теннизи, эштири, пляж волейболу, ок-биле адар, самбо, спортчу хүреш, ча адар, тхэквондо, хапсагай, уран гимнастика маргылдааларынга 273 түү медальдар дээш демисежир.

“Азияның уруглары” делегейниң спортчу оюннарын амгы олимпийжи шимчээшкинниң чүс чылдаанга тураскаадып 1996 чылда Якутия бир дугаар эрттирип, ону тургускан. Дөрт чыл болгаш-ла, чайгы үеде, спорттуң 20 аңгы хевирлеринге маргылдааларны эрттирери чаңчылчаан.

Делегейниң олимпийжи комитединиң база ЮНЕСКО-нуң деткимчези-биле эрттип турар Россияда чүгле чаңгыс төлевилел болуп турар.