Тываның Кадык камгалал яамызы бюджет олуттарга 73 ординаторну өөредир

25.07.2022 Тываның Кадык камгалал яамызының кадрлар албаны ординатура программазы-биле өөренир күзелдиг кижилерден документилерни хүлээп эгелээн. Документилерни июль 29-ка чедир хүлээр. Ведомствонуң чагыы езугаар бо чылын республикага тускай сорулгалыг бюджеттиг 73 олутту ординатураның 31 программазы-биле өөрениринге аңгылап берген. Эмнелге организацияларының хүлээп алыышкын комиссиялары кордакчыларны аңгылаан квоталарже шылгап шилиир.
Ординатураның 31 программазының дараазында угланыышкыннарынче тускай олуттарны берген – хирургия, фтизиатрия, терапия, дүрген эмчи дузазы, психиатрия-наркология, педиатрия, стоматология, неонатология, генетика, бактериология, гематология база өске-даа. Керээ негелдези езугаар ординаторлар ай санында немелде стипендияны алыр.
Ординатура программазы-биле тускай өөредилге конкурузунга киржирде дараазында документилерни киирер:
- хамаатының комиссия даргазының адынче билдириишкини;
- Россия Федерациязының хамаатызы паспорттуң хоолгазы (баштайгы база киир бижидилгелиг арыннары);
- дээди медицина өөредилге черин дооскан дипломунуң база капсырылгазының хоолгазы;
- ИНН хоолгазы;
- СНИЛС хоолгазы;
- банк реквизиттери.

«НИИ МСПУ РТ» КБА Билиг-мергежил бедидер төвүнүң ordmzrt@mail.ru электроннуг адрези-биле документилерни хүлээр. Тайылбыр алыр телефон дугаары : 8 (394-22) 24039.