Тываның Баштыңы Владислав Ховалыгның Россияның хүнү-биле байыр чедириишкини

12.06.2022 Эргим чаңгыс чер-чурттугларым!
Россияның хүнү – чоннуң чаңгыс аай эп-каттыштырылгазының сүлде демдээ, Ада-чуртувустуң амгы болгаш келир үези дээш бистиң шуптувустуң ниити харыысалгавыстың илередикчизи.

Бо хүнде Российжи Шериг Россияның эрге-ажыктарын быжыы-биле бүзүрелдиг камгалап турар. Камгалакчыларның аразында бистиң чаңгыс чер-чурттугларывыс, аныяк оолдарывыс эвээш эвес, олар боттарының шериг хүлээлгезин төлептии-биле күүседип турарлар.
Российжи чурттакчыларның амыдырал-чуртталгазын экижидеринче, Россияның делегейде ат-алдарын быжыглаарынче угланган Президентивистиң боттандырып турар стратегтиг угланыышкыны чоннуң, ооң иштинде бистиң республикавыстың чурттакчыларының, кан¬чаар-даа аажок улуг деткимчезин ап турар.

Россияга, бир дугаар ээлчегде, боттарының кызымаккай күш-ажылы, чаагай үүле-херектери, чедиишкиннери-биле Ада-чуртун алдаржыдып чоруур кижилерге – российжи чонга чоргаарланып чоруур бис.
Байырлал-биле, эргим чаңгыс чер-чурттугларым! Россияның хүнү-биле!