Россия хүнүнүң бүдүүзүнде республиканың ажыл-ишчилеринге күрүне шаңналдарын тывыскан

11.06.2022 Тываның Чазааның бажыңынга Россия хүнүнүң бүдүүзүнде, аңгы-аңгы мергежилдерниң кижилеринге күрүне шаңналдарын тывыскан. Эмчилер, спортчу тренерлер, өөредилге болгаш культура, көдээ ажыл-агый болгаш кадык камгалал адырының ажылдакчылары – төрээн республиказының болгаш чуртунуң чаагай чоруу дээш ак сеткилиг күш-ажылы, бодунуң ажыл-ижинге шынчызы база бедик мергежили дээш улуг шаңналдарга төлептиг болган.
Тыва Республиканың Баштыңының Хүндүлел бижии, Буян-Бадыргы орденниң III чергези орден, адырлар аайы-биле «Тыва Республиканың алдарлыг ажылдакчызы» хүндүлүг аттар, Тыва Республиканың «Шылгараңгай күш-ажылы дээш» медаль база «Тыва Республиканың Хартыга мөгези» деп шаңналдар ол хүн маадырларын тыпкан.
Тыва Республиканың Баштыңының Хүндүлел бижии-биле:
Баазан Саян Дадар-ооловиини – Тыва Республикада ФККФАЭ № 3 шөлүлге колониязының начальниги, иштики албанның подполковниги;
Достай Омак Степанович - Федералдыг суд приставтар албанының Тыва Республикада эргелелиниң удуртукчузун шаңнаан.
«Тыва Республиканың Хартыга мөгези» деп атты Тыва Республикада ИХЯ наркотиктерге контроль эргелелиниң онза-чугула херектер талазы-биле бүрүн эргелиг төлээзи Кула Аяс Март-ооловичиге тывыскан.
«Тыва Республиканың алдарлыг ажылдакчызы» хүндүлүг атты Эрзин кожууннуң күш-ажыл болгша социал хөгжүлде эргелелиниң начальниги Баадыр Оксана Ховалыговнага тывыскан.
«Тыва Республиканың өөредилгезиниң алдарлыг ажылдакчызы» хүндүлүг аттарга дараазында башкылар төлептиг болган:
Бектенова Пахыт Бурашевна - Кызылдың №2 школазының орус дыл болгаш литература башкызы;
Монгуш Екатерина Михайловна - Чеди-Хөл кожууннуң Хову-Аксы школазының орус дыл болгаш литература башкызы;
Ооржак Ирина Делег-ооловна - Кызылдың педагогика колледжизиниң төрээн дыл болгаш уруглар чогаалын башкылаар методика башкызы;
Монгуш Алла Лоспановна - Тываның күрүне университединиң юридиктиг факультединиң хамааты эрге база чорулга кафедразының эргелекчизи;
Куулар Елизавета Данзы-Баировна - Кызылдың №2 школазының эге класстар башкызы.
Республиканың №1 дугаар эмнелгезиниң консультативтиг-диагностика поликлиниказының регистратурада улуг эмчи сестразы Адыг Анна Маадыровна кадык камгалал системазында ачы-хавыяазы дээш «Тыва Республиканың кадык камгалалының алдарлыг ажылдакчызы» хүндүлүг атты алган.
Тыва Республиканың чыында командаларының спортчу белеткел төвүнүң улуг тренери Монгуш Алибек Андреевичге «Тыва Республиканың күш-культура болгаш спортунуң алдарлыг ажылдакчызы» хүндүлүг атты тывыскан.
«Тыва Республиканың культуразының алдарлыг ажылдакчызы» атты культура болгаш уран чүүл адырында ачы-хавыязы дээш:
- Кызыл хоорайда Н. Рушева аттыг уругларның уран чүүл школазының хореография салбарының башкызы Куулар Ким Кимовичиге;
- Кызыл кожууннуң төпчүткен клуб системазының кол хормейстери Оюн Айгуль Шынаровна шаңнатканнар.
Мал ажыл-агыйын хөгжүдеринге ачы-хавыяазы болгаш ак сеткилдиг күш-ажылы дээш «Тыва Республиканың көдээ ажыл-агыйының алдарлыг ажылдакчызы» атты Өвүр кожууннуң Сарыг-Хөл сумуда хууда дузалал ажыл-агыйның баштыңы Серембиль Маадыр Севековичиге тывыскан.
Күш-культура болгаш спортту хөгжүдеринге киирген ачы-хавыяазы дээш «Тыва Республиканың алдарлыг тренери» аттарны:
Соян Чаян Алексеевичге - Эрзин кожууннуң спорт школазының бокс тренери;
Сат Самир Кок-ооловичге - Б.Х. Сайтиев аттыг олимпийжи курлавыр спорт школазының хостуг хүреш тренери.
Кадык камгалал системазында ачы-хавыаязы дээш «Тыва Республиканың алдарлыг эмчизи» хүндүлүг аттарны:
Балчир Маргарита Борбак-ооловна - Республиканың № 2 эмнелгезиниң невролог эмчизи;
Чооду Светлана Эртинеевна - Тыва Республиканың Перинаталдыг төвүнүң консультативтиг-диагностика салбырының акушер-гинеколог эмчизи алганнар.
Тыва Республиканың «Шылгараңгай күш-ажылы дээш» медалы-биле дараазында ишчилерни шаңнаан:
Бадыназын Петр Оюнович – күш-ажылдың хоочуну;
Доржу Зоя Юрьевна - Тываның күрүне университединиң ада-чурт төөгүзү кафедраның эргелекчизи;
Дирчин Сайзов Дандынович - Эрзин кожууннуң хоочуну;
Пала Аргина Дмитриевна - Республиканың онкология диспансериниң онкологтуг кезиишкин салбарының эргелекчизи;
Хомушку Зоя Сюр-ооловна – күш-ажылдың хоочуну.
«Буян-Бадыргы» орденниң III чергези-биле халдавырлыг аарыглар эмнелгезиниң кол эмчизи Сарыглар Анна Александровнаны шаңнаан.
Россияның Чогаалчылар эвилелиниң кежигүнү, публицист, альпинист Ховалыг Маадыр-оол Бартыштаановичиге Тыва Республика Орденин тывыскан.