«Айыыл чок шынарлыг оруктар» национал төлевилел-биле Тывада 30 км ажыг орукту септээр

10.06.2022 «Айыыл чок шынарлыг оруктар» национал төлевилел-биле регион база муниципалдыг оруктарның ниитизи-биле 30,4 км хире хемчээлдиг 13 участоктарын 2022 чылда септеп-селиир. Ооң 11,1 км-де 8 участогу Кызылдың оруктарынга хамааржыр.
Тудуг сезону келбээнде-ле, 13 объектиниң керээлерин чарган, ам ында ажылдар эгелээнин ТР-ниң Орук-транспорт яамызы дыңнаткан. Акшаландырыышкынның ниити түңү 933,8 млн. рубль, ооң 744 млн. рублин республика бюджединден үндүрер.
Ноябрьның 1-ге чедир шупту ажылдарны доозарын планаан. Ынчан регион оруктарының негелдеге дүгжүп турары 49,4 хуу чеде бээр. А Кызыл хоорайның орук четкизинде ол негелде 70 хуу апаар.
Национал төлевилел планы-биле 2025 чылга чедир Тываның кол авторуктарында 286,2 км черниң 85 хуузун, азы 237,4 км-ин норга дүүштүр кылып доозар. Амгы үеде 131,2 км орук стандартка дүгжүп турар.