Тускай шериг операциязының үезинде мөчээн тыва дайынчыларның чоок кижилеринге Эрес-дидим чорук орденнерин тывыскан

09.06.2022 Россия Федерациязының Президентизиниң чарлыы-биле, тускай шериг операциязының үезинде көргүскен маадырлыг болгаш эрес-дидим чоруу дээш. Тыва Республиканың чеди чурттакчызын шаңнаан. Эрес-дидим чорук орденнерин мөчээниниң соонда, сержант Оюн В. В., анаа дайынчы Куулар А-Х. А., сержант Биче-оол С. С., анаа дайынчы Кыргыс С-Д. В., анаа дайынчы Андреев А. А., анаа дайынчы Чулдум А. О., ефрейтор Монгуш Ч. Д. оларга тывыскан.

Тыва Республиканың Чазааның даргазының оралакчызы Тимур Куулар база Тыва Республиканың Дээди Хуралының (парламент) даргазы Кан-оол Даваа мөчээн шериглерниң чоок кижилеринге күрүне шаңналдарын дамчыткан.

Эрес-дидим чорук ордени – хөй-ниити чурумунуң камгалалында, кем-херек үүлгедиишкиннери-биле демиселде, онза байдалдар, өрттер, бойдус халавының үезинде кижилерни камгалаанда, амы-тынга айыылдыг үеде дайынчы, хамааты база албан хүлээлгезин күүседип турар кылган дидим болгаш шиитпирлиг хөделиишкиннери дээш Россия Федерациязының хамаатыларынга тыпсыр Россия Федерациязының күрүне шаңналы болур.