Тывада «Енисей» Р-257 федералдыг орукта беш көвүрүгнү септеп эгелээн

09.06.2022 «Енисей» федералдыг автомобиль оруунуң эргелели Кара-Дыт хемчигешти база Коъш-Ой, Барык, Өөк, Хөндергей хемнерни кежир көвүрүглер септеп эгелээрин дыңнаткан. Бо чылдың орук-тудуг сезонунуң төнчүзүнге чедир сөөлгү объектиден аңгыда, өске көвүрүглерни септеп доозар. А Хөндергей хемни кежир көвүрүг кежигни 2023 чылда ажыглалче киирер.
Көвүрүглерниң автомобиль кежер кырыкы каъдын солуп, быжыглаан чагыларын катап эдип, кыдыында демирлерин чаартып, орук демдектерин тургузар.
Коъш-Ой биле Кара-Дытты кежер көжүглер бүрүнү-биле чаарттынар. Көвүрүгнүң хемчээлдерин улгаттырып, чүък эрттирер күчүзүн улгаттырар. А көвүрүгнүң автомашина эртер кезээн үш каът кылдыр быжыглаар.
Бойдуска хора чедирбези-биле ол объектилер дамчыштыр агар сугну арыглаар тускай шүүрлерни салыр.