Экология яамызы бойдус чурумал темазынга "Эко-объектив” фоточуруктар мөөрейин эрттирип турар

05.06.2022 Тыва Республиканың Арга-арыг болгаш бойдус ажыглалының яамызы Экологтуң хүнүнге тураскаадып “Эко-көрүш” ("Эко-объектив”) деп фоточуруктар мөөрейин чарлаан.
2022 чылдың июнь 15-ке чедир уламчылаар мөөрейге республиканың шупту чурттакчылары, ажыл-агыйы, социал байдалы, хар-назыны дивейн киржип болур. Фоточуруктарга төрээн чериниң, республиканың бойдус объектилерин, ол темага хамаарышкан кандыг-даа фоточурукту чорудуп болур.
Мөөрей ийи аңгы угланыышкынныг:
- “Чурттап турар оран-чуртувус” – маңаа долгандыр хүрээлелди хирлендирип турар чидиг айтырыгларны көргүзер: агаарның хирлии, кайы хамаанчок төкен боктар, хирленген суглар хемнер дээш, оон-даа өске.
- “Мээң биче төрээн черим” – бо угланыышкынга төрээн чериниң кайгамчык, онгазай, дөмейлешпес бойдус чурумалын, дириг амытаннарын, дыштаныр черлерин, аржаан сугларны дээш, хөй талалыг фоточуруктарны чорудуп болур.
Мөөрейниң киржикчизи чүгле 3-ле хире ажылды чорудуп болур. Мөөрейге киржир күзелин илереткен бижикти база фоточуруктарын сайтыга салып болурунга чөпшээрелин оргкомитеттиң opersvod.17@mail.ru электроннуг почтазынче чорудуп, "Эко-объектив” мөөрейге деп демдеглээр.

МарафонЗеленыхдел#МинистерствоЭкологииРТ#Эко-объективы# ПравительствоТувы#ТываЧазак#День Эколога#новоститывы #новостикызыл #кызыл #тувамедиагрупп #Тува #Тыва #Tuva #TMG #TMGNEWS #Tuvanews