Чаагайжыдар объектилер шилиир бадылаашкынның төнеринге чедир 6 хонук арткан

24.05.2022 za.gorodsreda.ru сайтыга «Таарымчалыг хоорай хүрээлелин» хевирлеп доозарынга чедир 6 хонук арткан, азы май 30-де ол доостур.

Тыва бо чылын 19 муниципалдыг тургузугларның: Кызыл база Ак-Довурак хоорайлар, Бай-Тайга, Барыын-Хемчик, Чөөн-Хемчик, Каа-Хем, Кызыл, Мөңгүн-Тайга, Өвүр, Бии-Хем, Сүт-Хөл, Таңды, Тес-Хем, Тере-Хөл, Тожу, Улуг-Хем, Чаа-Хөл, Чеди-Хөл, Эрзин кожууннардан 69 төлевилел кирген.

2021 чылда республиканың чурттакчылары 28 дизайн-төлевилелди шилип алган. Бо чылын оларның тудуу эгелээн. Южный микрорайонда сквер, Южныйда аллея, Вавилин ээтпэнде павильоннар, чадаг-терге оруун чижекке адап болур.

«Госуслуги» интернет-порталда бүрүткелдиг база бадыткаттынган аккуантылыг, 14 хардан өрү назылыг кижи бүрүзү бодунуң шилип алганы дизайн-төлевилелинге үнүн берип болур. Интернетти шоолуг ажыглавас, ынчалза-даа бадылаксап турар кижилер волонтёрлардан дузаны дилеп болур. Силерниң үнүңер чурттап турар чериңерниң чаагайжыдылгазынга бурунгаар бир базымны бээри чугаажок, ынчангаш бадылаарын утпаңар!