Тываның школаларынга 15 педагогика класстарын ажыдары планнаттынган

24.05.2022 Башкы мергежилге өөреникчилерниң сонуургалын хаара тударынче угланган тускай психологтуг-педагогиктиг 15 класс республиканың школаларынга сентябрь 1-де ажыттынар.

Шак ындыг класстар чурттуң дыка хөй регионнарында бар. Тываның школаларынга ындыг класстар ажыдар санал Герцен аттыг Россияның күрүнениң педагогика университеди, Астафьев аттыг Красноярскиниң педагогика университеди, Санкт-Петербургтуң №47 школазының төлээлери-биле регионнуң Өөредилгени хөгжүдер болгаш билиг-мергежил бедидер институттуң башкылары-биле онлайн ужуражылга үезинде үнген.

Герцен аттыг башкы университеди база Астафьев аттыг Красноярскиниң педуниверситеди-биле кады Тываның башкылар билии бедидер институт чаа класстарның методиктиг үделгезин чорудар.

ТР-ниң Өөредилге яамызының @minobr_rt медээзи