Тывада «ТываЭкспо» регионнар аразының делгелге-ярмарказының кол ажылы ажыттынган

Бөгүн май 20-де, Тываның найысылалы Кызыл хоорайда, регионнар аразының универсалдыг делгелге-ярмарказы «ТЫВА ЭКСПО – 2022» ажылын эгелээн. Республиканың Экономиктиг хөгжүлде болгаш үлетпүр яамызының деткимчези-биле чылдың-на Россияның регионнарындан 100 хире киржкичини хаар тудуп турар хемчег бо чылын 24 дугаар эртер.

Бо чылын Тываның сайгарлыкчыларындан аңгыда, Алтай база Красноярск крайлар, Новосибирск, Нижегородск, Иркутск база Кемерово облазындан, Санкт-Петербург, Хакасиядан бүдүрүлгелер «ТываЭкспо»-га бодунуң продукцияларын делгээр.

«24 чылдар иштинде делгелге бодунуң ажылын бадыткаан, бөгүнде ооң бараан саарылгазы 40 млн рубль ашкан. Делгелге садыглаашкын хүннеринде чурттакчы чон рынок өрээнжден чиик өртекке шынарлыг каш янзы барааннарны садып ап чаңчыга берген болгаш, ону четтикпейн манаарлар. Благодаря «ТываЭкспо»-нуң ачызында ооң өске региоонардан киржикчилери Тывада ботарының салбырларын ажыдып, ажылчын олутарны тургусканнар» - деп, республика Баштыңы Владислав Ховалыг «ТываЭкспо» делгелге-ярмарканың киржикчилеринге байырын чедирген.

Делгелге-садыглаашкын үезинде чаа экономиктиг байдалдарда сайгарлыкчы чорукту сайзырадырының дугайында дискуссия шөлү база ажылдаар. Аңаа эрге-чагырга органнарының, банкыларның, бизнестиң, сайгарлыкчы чорук деткиир инфраструктуралыг организацияларның төлээлери киржир.

Делгелге садыглаашкын «Субедей» универсалдыг спорт комлпекизиниң шөлдеринге болур. Республиканың чурттакчылары майның 20-22 хүннеринде 10.00 шактан 19.00 шакка чедир ярмарканы сонуургап болур.