Тываның Чазаа бюджет акша-хөреңгизиниң башкарыкчыларын база алыкчыларын хынаарын түр када тургускан

20.05.2022 Тываның Саң-хөө-бюджет хайгаарал албанының ревизорларынга бюджет акша-хөреңгизиниң кол башкарыкчыларын база алыкчыларын 2023 чылдың январь 1-ге чедир хынаарын соксаткан. 2022 чылда хыналдаларны кызыгаарлаан саң-хөө контролюнуң онзагай чүүлүнүң дугайында доктаалды республика чазаа бо неделяда бадылаан.
Федералдыг эрге-чагырганың сүмелээни-биле, РФ-тиң субъектилеринге хамаарыштыр ындыг чурумну тургускан шиитпир хүлээп алдынган. Тываның Баштыңның база чазааның, прокурорунуң, ФСБ база ИХЯ-ның даалгалары-биле чорудар хыналдаларга ол хоруушкун хамаарышпас.
Бо хоруушкун күш кирбээнде эгелээн хыналдаларны түр тургузуп, 2023 чылдың январь 1 соонда катап эгелээр ийикпе, азы доктаал күш кирген хүн соонда 20 ажыл хонуунуң дургузунда доозар.
Республиканың чазаа хоорайлар база кожууннар чагыргаларынга шак ындыг кызыгаарлаашкыннарны киирерин сүмелээн.