2022 чылдың май 17-22 хүннеринде Тывага кааң хүннер болурун дыңнадып тур

18.05.2022 Тываның найысылалынга 2022 чылдың майның 17-ден 22-ге чедир агаарның ортумак температуразы нормадан 7 градус ажып, дыка изиг хүнер болурун Тываның ХК база ОБ албаны дыңнаткан.
Ынчангаш хамааты камгалал болгаш онза байдалдар албаны кааң хүннерде канчаар алдынарының дүрүмнерин сагыырын сагындырган. Өртке удур айыыл чок чоруктуң дүрүмнерин сагыыр, хензиг-ле көстен өрт үнүп болурун утпаңар. Кадыкшыл байдалы багай улус кадыынче кичээнгейни салыр. Башка бөртү кедер ийикпе, азы аржыылды шарыыр. Аргалыг болза хөлелгелиг черлеп кылаштаар. Агаар эрттирер пөстен даараан чырык хептер кедер. Суксундан хөйнү ижер, а арага аймаан ижери хоруглуг.
Республика девискээринде июньнуң 5-ке чедир өртке удур онза чурум чарлаттынганын сагындыраал. Арга-арыгже кирерин шеглээр. Одаг кыпсыры шуут хоруглуг дээрзин сактып алыр артык эвес.