Арыглаашкын болгаш чаагайжыдылганың шалыпкын айында 5669,4 куб метр бокту аштап арыглаан
16.05.2022
Апрельдиң 1-ден май 13-ке чедир Тыва Республиканың девискээринге арыглаашкынның болгаш чаагайжыдылганың шалыпчы айында 34841 кижи киржип, 5669,4 куб метр бокту аштап, чыгган. Арыглаашкын ажылдарынга 819 санныг техниканы ажыглаан.
Регионнуң чуртталга-коммунал ажыл-агый яамызы муниципалдыг тургузугларже неделя санында үнүүшкүннерни организастап, шалыпчы айда кылдынган ажылдарны хынаан. Бай-Тайга биле Эрзин кожууннар боттарының девискээрлерин арыг-силиг тудар дээш улуг ажылдарны кылганы демдеглеттинген. Сумуларның чурттакчылары идепкейлиин көргүзүп, кудумчуларын аштап-арыглап, чугайлааш, кайы хамаанчок төккүлеп каан боктарны бөлгеш, чүдүрген.
Кызыл хоорайның чурттакчыларындан хөй санныг хомудалдар кирген. Ында-мында төккен боктар ам-даа бар. Ылаңгыя хоорай кыдыы, озалааш кудумчуларда боктар артып каан. Ол дээш хооорай чагыргазы сагындырыгны алган.
Возврат к списку
|