Дагба Мергенни Тываның вице-премьери – одалга болгаш энергетика сайыдын күүседир кылдыр томуйлаан

14.05.2022 Тываның Чазааның даргазының оралакчызы – одалга болгаш энергетика сайыды албан дужаалды күүседир кылдыр Мерген Дагбаны томуйлаан. Чаа вице-премьер чуртталга-коммунал ажыл-агыйында чаңгыс аай күрүне политиказының күүселдезин, республиканың чылыг-энергетика комплекизин таарыштырылгазын база хөгжүлдезин  харыылаар.
Дагба Мерген Балыкаевич Тыва Республиканың Өвүр районнуң Хандагайты суурга төрүттүнген. 1986 чылда ССРЭ-ниң ИХЯ-зының Воронежте милицияның тускай ортумак школазын, 2005 чылда Сибирьниң күрүне албанының академиязын дооскан.
Күш-ажылчы базымын Хандагайты суурда кожууннуң харылзаа белдиринге монтерлап эгелээн. Тыва АССР-ниң ИХЯ одуруунга, Тыва Республиканың ИХЯ-га албан ажылын күүсеткен.
Тыва Республиканың Күш-ажыл болгаш чонну ажылга хаара тудар яамының эрге-хоойлу инспектору, Тыва Республиканың Аныяктар херектериниң талазы-биле сайыттың оралакчызы, Тыва Республиканың күш-культура болгаш туризм күрүне комитединиң даргазының оралакчызы, Тыва Республиканың тудуг болгаш чуртталга-коммунал ажыл-агый сайыдының бирги оралакчызы албан-дужаалдарга бодун көргүзүп, ажылдаан.
2016 чылдан Хөй аалдыг бажыңнарның капитал септелгезиниң коммерцияга хамаарышпас фондузун директорлаан.