Тускай шериг операциязының үезинде маадырлыы-биле мөчээн оолдуң өг-бүлезинге "Эрес-дидим чорук орденин" бөгүн тывыскан

13.05.2022 Ол даалганы күүседир дээш албан-биле республикада келген Национал гвардия шериглериниң Соңгу-Кавказ округунуң командылакчызының оралакчызы, генерал-майор Михаил Романов маадырлыы-биле мөчээн дайынчы Хуреш Тиил-оолович Монгуштуң кадайынга база авазынга күрүне шаңналын дамчыткан.

Ефрейтор Х.Т. Монгуш нарын байдалда дидим болгаш шиитпирлиг хөделип, отту аңгы-аңгы черден ажыдып, дайзыннарны узуткап, коргуш-сыныш чок болгаш эрес-дидимин көргүскен. Ол эптиг туруш тып ап тура, аар балыглаткаш, мөчээн.

Россия Федерациязының Президентизиниң чарлыы-биле, шериг даалгазын күүседип тура көргүскен маадырлыг болгаш эрес-дидим чоруу дээш ефрейтор Монгуш Хуреш Тиил-ооловичини (мөчээн соонда) "Эрес-дидим чорук ордени-биле" шаңнаан.