Тываның Баштыңы мөчээн дайынчыларының чоок кижилеринге “Эрес-дидим чоруктуң” орденнерин тывыскан

08.05.2022 Владислав Ховалыг Украинага тускай шериг операцияның киржикчилери - мөчээн дайынчыларның өг-бүлелеринге Россия Федерациязының күрүне шаңналдарын тывыскан. Украинада чоруп турар тускай дайынчы операция үезинде Россияның шериг-политиктиг эрге-ажыктарын эрес-дидими-биле камгалап тургаш, амы-тынындан маадырлыы-биле чарылган бистиң чаңгыс чер чурттугларывыс дайынчылар - Э.В. Билзен, П.В. Князев, А.Ш. Монгуш, А.Б. Маады, Р.В. Оюн, А.М. Салчак, Ч. А. Чынан, С.С. Хомушку, С. С. Шалыкка “Эрес-маадырлыг чорук” орденни (Орден Мужества) Россия Федерациязының Президентизи Владимир Путинниң Чарлыы-биле тывыскан.
- Силерниң өөңер ээзи, оолдарыңар, акы-дуңмаларыңар Төрээн чуртту, акы-дуңмалышкы чонну камгалап тура, амы-тынын берген. Олар шупту – 1945 чылда Улуг Тиилегени чаалап берген өглерниң эң төлептиг салгалдары-дыр. Эң-не аарышкылыг медээни уткуп алган силерниң дидим чорууңарга мөгейип тур бис. База ктап ханы кажыыдалывысты илердип тур мен.
Маадырларвыстың ады кезээ мөңгеде чүректерге артар, оларның аттарын мөңгежидери-биле Тываның хоорай, суурларында кудумчуларны адап, маадыр чаңгыс чер-чурттулгаларывыстың аттары Сактыышкынның номунче киир бижиттинер.