ЛУР биле ДУР мобильдиг харылзаазының российжи дугаарларын алыр

07.05.2022

Донецк база Луганск Улус Республикалар харылзаа операторларының абоментилери +7 российжи дугаарларга коштунар. Донецк Улус Республика биле  Луганск Улус Республиканың баштыңнары Денис Пушилин биле Леонид Пасечник олар ооң дугайында субботада дыңнаткан.

«Россия Федерациязы ээлчеглиг чугула шиитпирни хүлээп алган. Бистиң  республикага код харылзаа операторунуң российжи дугаарлар  системазының +7 959 аңгы кодун аңгылап берген» - деп, ЛУР баштыңы дыңнаткан. Россия-биле кады ажылдажылгага, республиканың чурттакчыларынга, ооң бизнезинге, культура болгаш өске-даа адырларынга таарымчалыг харылзаа бар апаар, деп   Леонид Пасечник улуг ужур-дузалыг шиитпир дээш четтиргенин илереткен.

Луганск Улус Республика биле  Донецк Улус Республиканың чурттакчылары майның  7-ден российжи системаның коду-биле эгелээн немелде дугаарны алыр. SIM-карталарны солувас, операторларның чоруткан SMS-дамчыдылгазын таварыштыр дугаарны бергенин билип алыр.

«Россияже долгаарынга ДУР биле ЛУР-нуң абонементилериниң код дугаарларын солааны бөдүүн чон-биле харылзааны чедингир болдурарынга бир базым болган» — деп, РФ-тиң чурагай яамызының баштыңының оралакчызы Дмитрий Ким чугаалаан.

Луганск Улус Республиканың харылзаа болгаш массалыг коммуникация сайыдының хүлээлгезин күүседип турар  Андрей Еременко чурттакчы чон “регион иштинден“ Донецкиже-даа, Россияже-даа российжи код дузазы-биле долгап болур аргалыг апарганын дыңнаткан.

Майның 1-де, Крымның баштыңының  информастыг политика талазы-биле чөвүлекчизи Олег Крючков Украинаның мурнуу чүгүнде хосталган регионнарда украин харылзаа операторлары ажылын соксаткан дугайында дыңнатканын сагындыраал.