Тываның Баштыңы Россия Федерациязының чепсектиг күштериниң тургустунган хүнүн таварыштыр байырны чедирген.

07.05.2022 Россияның амгы чепсектиг күштери мугур 30 чыл бурунгаар 1992 чылдың май 7-де тургустунган. Бистиң шериглеривис совет шериг үезинде-ле тыптып келген чаагай чаңчылдарның уламчылакчылары болуп, үргүлчү-ле боттарының дайынчы күжүн улгаттырып турганнар.

Эң-не берге үелерде өг-бүле бүрүзүнде төрээн чуртун камгалап турганнар хөй. Тыва черивис амгы үеде Украинада шериг хүлээлгезин күүседип, бодун хайыралавайн , дидими-биле төрээн чуртун камгалап турар оолдары дээш чоргаарланып болур.

Эргим эштер! Ада-чуртунарга эрес-дидимиңер-биле бараан болуп чорууруңар дээш, чүрээмниң ханызындан өөрүп четтириишкинимни хүлээп ап көрүңер. Россияның чепсектиг күштериниң тургустунган хүнүнде сеткилимниң ханызындан силерге болгаш чоок кижилериңерге бүгү-ле экини, аас-кежикти, эп-сеткилди болгаш чаагай чорукту күзедим. Шериг албанының хоочуннарынга быжыг кадыкшылды, узун назынны, солдаттарга болгаш офицерлерге бедик чедиишкиннерни йөрээдим.