04.05.2022
Майның узун дыштаныр хонуктарында найысылалдың поликлиникаларында, Спутник микрорайонунда, оң талакы эрикте эмчи амбулаторязында, «5 звезд», «Курай-курай» садыг төптеринде база «Мой бизнес» төпте тарыышкын пунктулары ажылдап турарын сагындыраал.
Оон аңгыда көжүп чоруур тарыышкын кабинеди май 9-та, парк иштинде “Хүреш” стадионунуң чанынга чонну хүлээп, тарылгаларны кылыр.
Республиканың Кадык камгалал яамызы чонга эптиг болуру-биле, тарылга пунктуларның ажылдаар шактарын чурумчуткан.
Дараазында пунктулар хүннүң-не ажылдаар:
- "5 звезд" садыг төвү 9.00 шактан 18.00 шакка чедир, дүштеки чапсар 13.00 - 14.00 шакта;
- "Курай-курай" садыг төвү 9.00 шактан 18.00 шакка чедир, дүштеки чапсар 13.00 - 14.00 шакта;
- "Мой бизнес" төп (эргиде Улусчу банк) 9.00 шактан 18.00 шакка чедир, дүштеки чапсар 13.00 - 14.00 шакта;
- «Правобережный» микрорайонда эмнелге амбулаториязы 9.00 шактан 17.00 шакка чедир, дүштеки чапсар 13.00 - 14.00 шакта;
- «Спутник» микрорайонда (мкр. МЖК 3) эмнелге амбулаториязы 9.00 шактан 17.00 шакка чедир, дүштеки чапсар 13.00 - 14.00 шакта.
Майның 4, 5, 6, 7, 8 база 10 хүннеринде поликлиникаларда тарылга кабинеттери база ажылдаар:
- консультативтиг-диагностика поликлиниказының (Щетинкин-Кравченко кудумчузу, 61) тарылга кабинеди 09.00 шактан 21.00 шакка чедир;
- республиканың консультативтиг-диагностика төвүнүң (Дружба кудумчузу, 36а) тарылга кабинеди 08.00 шактан 18.00 шакка чедир.
Майның 9-та Владимир Биче-оол аттыг хүреш стадионунуң чанынга, көжүп чоруур тарылга пунктузунга, 11.00 шактан 16.00 шакка чедир тарыдып ап база болур.
Ол ышкаш майның дыштаныр хүннеринде ПЦР-анализ дужаар лабораториялар база ажылдаар.
Тываның СПИД-ке удур камгалал болгаш демисел төвүнүң (Оюн Курседи кудумчузу, 159А) лабораториязы, май 4-5 хүннеринде 8.00 шактан 18.00 шакка чедир анализти алыр.
Май 4, 5, 6, 7, 8 хүннеринде – Республиканың кеш болгаш шээр аарыглар диспансериниң (Щетинкин-Кравченко кудумчузу, 66) лабораториязы, 8.00 шактан 18.00 шакка чедир ажылдаар.
Май 4, 5, 9, 10 хүннеринде – Халдавырлыг аарыглар эмнелгезиниң (Чехов кудумчузу, 65) лабораториязы, 8.00 шактан 18.00 шакка чедир чонну хүлээр.
Тарылга чорудар пунктуже келирде, дараазында документилерин бодунга ап алыр: паспорт, СНИЛС болгаш медицина полизи.
Тываның Кадык камгалал яамызы ковидке удур бодунуң иммунитедин быжыглаарынче кичээнгейни салып, байырлал болгаш дыштаныр хонуктарда тарыдып алыр кылдыр чонну кыйгырып тур.