Россияның Пенсия фондузунуң Тыва Республикада килдизи 8 - 17 уругларга пособиеже билдириишкиннерни майның 4, 5 база 6 хүннеринде хүлээрин дыңнадып тур

04.05.2022 Россияның Пенсия фондузунуң Тыва Республикада килдизиниң чон-биле ажылдаар албаны май байырлалдарында тускай чурум-биле ажылдап, чүгле чаа төлевирлер - 8-тен 17 харга чедир уруглар пособиезинче билдириишкиннерни хүлээп алырын дыңнаткан. Чон-биле ажылдаар албан май 4-тен 6-га чедир дараазында чурум-биле: 9.00 шактан 18.00 шакка чедир хүлээр, 13.00 -14.00 шак аразында дүштеки чапсарлаар.
Күрүне ачы-дузаның порталы (Госуслуги) база Хөй ажыл-чорудулгалыг төп (МФЦ) салбырлары таварыштыр эвээш орулгалыг өг-бүлелер 8-17 харлыг уруг-дарыгга ай санының пособиезинче билдириишкиннерни база хүлээр.
Пособиени апрель 1-ден санаар. Өг-бүлелер апрель биле майның – ийи айның төлевирин майда алырлар. Июньда билдириишкин киирген өг-бүлелер апрель, май биле июньнуң төлевирлерин хары угда алыр.
Билдириишкинни кайы айда – апрельде азы майда, чок болза июньда азы июльда кииргенинден хамаарылга чокка, апрель 1-ден тура санаан төлевирни шилчидер.
Төлевирлерни бээриниң негелделерин моон көрүп болур: https://pfr.gov.ru/grazhdanam/8_to_17_years