Бирги ээлчегде чаагайжыдар объектилер шилилдезиниң бүгү-российжи бадылаашкыны эгелээн

15.04.2022 Тываның Баштыңы Владислав Ховалыг бо чылын  онлайн-форматка эртер бадылаашкынга идепкейлиг киржиринче чонну кыйгырган. Тыва Республиканың чурттакчылары апрель 15-тен май 30-ге чедир бодунуң шилилгезин za.gorodsreda.ru (https://17.gorodsreda.ru/) сайтыга кылып болур.

Республиканың 19 муниципалитеди бо чылдың бадылаашкынынга киржир. Чурттакчылар «Таарымчалыг хоорай хүрээлелин хевирлээри» шөлчүгештен бадылаашкында девискээрлер, объектилер болгаш дизайн-төлевилелдер-биле апрельдиң 15-тен эгелеп таныжып болур. «Госуслуги» интернет-порталда бүрүткеткен болгаш шынзыттынган аккуантылыг, 14 хар четкен, хамааты бүрүзү боттарының шилилдезинге үнүн бээр аргалыг. Киржикчи кижи чүгле чаңгыс девискээрни шилип, ол дээш боду үнүн бээр.

Волонтерлар интернет таварыштыр бадылап шыдавас кижилерге дузаны кадар. 200 эки турачы бо чылын бадылаашкынга ажылдаар дээш демдеглеткен, олар бадылаашкынның билдингир хөй-ниити черлеринге ажылдап, күзелдиг улуска канчаар бадылаарын тайылбырлап, планшеттер азы смартфоннар таварыштыр көргзүп бээр.
za.gorodsreda.ru (https://17.gorodsreda.ru/) арында «Госуслуги. Решаем вместе» удур харылзаа шөлүн ажыглавышаан, азы ында киржип турар шупту муниципалитеттерниң хөй-ниити черлеринде бадылаашкынга дузалажыр волонтерларның капсырылгазынче киргеш, бадылап болур.
«Чурттаар оран-сава болгаш хоорай хүрээлели» национал төлевилелдиң «Таарымчалыг хоорай хүрээлелин хевирлээри» федералдыг төлевилели-биле бадылаашкын эртерин сагындыраал.