Тускай шериг операциязын деткээн митинг Тывага болуп эрткен

08.04.2022 Дүүн, апрель 7-де, Украинада тускай шериг операциязын деткээн митинг Кызыл хоорайда Аныяктар сесерлиинге болуп эрткен. Чурттуң президентизин база российжи шериглерни деткиир дээн кыйгырыгны дыка хөй студентилер, хөй-ниитичилер база чон хүлээп ап, сагыш-сеткилинден кады бис деп чугаалаар дээш аңаа чыглып келген. Бо хонуктарда Россияның Чепсектиг күштериниң солдаттары барыын чүк чурттарынга тускай белеткел эрткен националисчи бөлүктерден Украинаны хостаар дээш ажык демиселди чорудуп турар. «ЛУР биле ДУР чурттакчыларынга гуманитарлыг дуза чыырын организастап, мындыг акцияларны тускай опреацияның бирги хүннеринде-ле эгелээн бис. Бөгүн, шупту регионнарда ышкаш Тыва база, президентини болгаш российжи армияны, нацизмге удур демисежип турар тускай хөделиишкинни деткип турарывысты көргүзер дээш, дагын катап чыглып келдивис» - деп, Дээди Хуралдың даргазы Каң-оол Даваа демдеглээн. Сөс алганнар Донецск биле Луганск республикаларның чонун сагыш-сеткилинден болгаш херектиг чүүлдер-биле деткииринге беленин, а шериг оолдарывыс өг-бүлелеринче ээп чанып келирин четтикпейн манап турарын чугаалааннар. Чон биле армияның неонацисчи күштерден акы-дуңма чуртту болгаш ооң чурттакчыларын хостаар дээн шиитпири чаңгыс. Демнигде – күштүг!