Республикада дош кежиглер шупту хагдынганын дыңнадып тур

07.04.2022 Агаар-бойдустуң чылып келгенинден хемнерниң доштары чугалап, эрип бадып, оон кежири айыылдыг апарганын ОБЯ ТР-де биче хемчээлдиг суднолар талазы-биле күрүне инспециязының төвү дыңнаткан. Апрельдиң 6-тан Тываның девискээринде дөрт дош кежигниң эң сөөлү – Каа-Хем кожуунда “Бүрен-Аксы” кежии хандырган. Мооң мурнунда Каа-Хем кожуунда “Бельбей", Тожу кожуунда “Тоора-Хем”, Улуг-Хем кожуунда "Эйлиг-Хем" дош кежиглерни хагган. Хүндүс агаар чылып келгенинден, хемнер-сугларда дош кыры-биле кежери кижилерге-даа, техникага-даа айыылдыг апарган, ынчангаш дош кежиглеп аай-дедир аргыжылганы хораанын, төптүң специалистери чурттакчы чонга сагындырып тур. Часкы үеде суг объектилеринге кичээнгейлиг болуңар!