Тываның Баштыңы Владислав Ховалыг мөчээн оолдарның төрээн кижилеринге кажыыдалын илередип тур

05.04.2022 Тываның Баштыңы Владислав Ховалыг Украинада тускай операция үезинде Тывадан барган ийи шериг оолдуң амы-тынындан маадырлыы-биле чарылганын дыңнаткан: “Ам база ийи оглувусту ышкындывыс, чонум. Кыргыс Сайдаш Владимирович биле Андреев Андрей Айварович олар чонунуң, чуртунуң айыыл чок чоруу дээш демиселге амы-тынын берген-дир. Шуптувустуң качыгдалывыс, аарышкывысты бүрүн-четче илередири берге-дир. Оолдарывыстың Ада-чурту дээш өндүр сеткилинге мөңгеде өөрүп четтирип, чавыс мөгеер бис. Мөчээн маадырларывыстың чоок кижилериниң, төрелдериниң кажыыдалын үлежип тур мен. Оларның өг-бүлелеринге бүгү талазындан деткимче көргүстүнер”.