Владислав Ховалыг: «Четпестерни чайладырынга үе ам-даа бар»

04.04.2022 Тываның Баштыңы Владислав Ховалыг бо чылын ажыглалга кирер ужурлуг «Тайга» станциязында даг хаагының комплекс тудуунда ажылдар кайы хире чоруп турарын хынап четкен. Ооң дугайында социал четкиде бодунуң арынынга бижээн. «Дыка хөй үнелээшкиннерни социал четкиге алдым. Ындыг турбуже дыштанган улус дагдан бадып тургаш, кемдээшкиннер ап турган таварылгалар дугайында база бижип турлар» - деп, В. Ховалыг айыткан. Ооң бодалы-биле алырга, харыысалгалыг кижилерниң талазындан чедир кылдынмаан ажылдар уржуун ындыг таварылгалар болгулаан. «Бөгүн хаак станциязының бүгү девискээринге дыштанып келген кижилерге айыыл чок чорукту хандырарын инспекциядан негедим. Чедир кылдынмаан ажылдарны чайладыр үе бар-дыр» - деп, ол негээн. Владислав Ховалыг ол чорааш, «Тайга» турисчи комплексти тургузарының ийиги чадазында кылыр ажылдың хемчээлин чижеглей чугаашкан. «Тайга» турисчи комплекстиң тудуу үш чадалыын сагындыраал. Дыштанып келгеннерге аалчылар бажыңынарының комплекизин төнчү чадада тудары көрдүнген.