«Кадык камгалалы» национал төлевилел-биле Тывада чаа эмчи абмулаториязын туткан

30.03.2022 РФ-тиң Чазаа суг үерлээшкининден когараан автомобиль оруктарын база көвүрүглерин катап тургузарынга Тываже 2022-2023 чылдарда 64 млн рубльди чорудар. Республика Баштыңы ооң дугайында бодунуң телеграм-каналында дыңнаткан. РФ-тиң Чазаа ол сорулгага ниитизи-биле 4 млрд рубль акшаландырыышкынны тускайлаан. Ол акша-хөреңгини тос регион — Крым, Тыва, Забайкалье, Приморье база Хабаровск крайлар, Амур, Иркутск, Омск база Еврей автономнуг областар алыр. Владислав Ховалыг суг үеринден үрелип когараан эң айыылдыг көвүрүглерни септеп эгелээрин демдеглээн. Ол дээрге Өвүрде Чоза биле Барыын-Хемчикте Аянгаты хемнерде, ол ышкаш Мөңгүн-Тайга кожуунда көвүрүглер-дир. Тываның Баштыңы эрткен чылын кожууннарны эргип чорааш, үерден үрелген оруктарда чоннуң канчаар аргыжып турарын боду көрген. Ол улуг айтырыг федералдыг деткимчениң ачызында бо чылын шиитпирлеттинип эгелээр. РФ-тиң Чазааның даргазы Михаил Мишустин тускайлаттынган акша-хөреңги регионнарга кыска хуусаада чедерин айтып, септелге ажылдарының керээлерин үе-шаанда чарып эгелээрин дааскан.