«Тувакобальтының» артынчыларын узуткааны 5 муң ажыг кижиге таарымчалыг салдарны чедирген
29.03.2022
Тывада шагдагы «Тувакобальт» комбинаттың артынчыларын техниктиг арга-биле узуткаар ажылдар доозулган. Чеди-Хөл кожуунда ол объектини «Экология» нацтөлевилел чорудуу-биле аштап-арыглап, беш муң ажыг кижиге эки салдарны чедирген.
ТР-ниң Арга-арыг болгаш бойдус ажыглалының яамызы улуг ажылдар кылдынганын дыңнаткан: айыылдыг артынчыларны чок кылып, хөрзүннүң кырыкы каъдын арыглаан.
«Тувакобальт» даг-болбаазырадылга комбинадының артып каан боктар артынчылары Хову-Аксы база Сайлыг суурлар чурттакчыларының мал-маганынга чылдың-на айыылды тургузуп, каражаны чедирип турган. Чазын агып баткан, хоралыг бүдүмелдер-биле холушкан хар суун мал-маган ишкеш, хорап турган таварылгалар бар. Эрткен чайын чаъстыг үеде шак-ла ындыг болуушкун демдеглеттинген. Ынчангаш ол ийи суурнуң чурттакчылары малын комбинат девискээриниң чоогунче одарлатпазын кызыдарлар. Чылдың-на дузалал ажыл-агыйлары 15-20 баш малын чидирип, каражага таваржып турган.
Ам комбинат чоогунуң девискээринге хыналда мониторингини үш чыл улаштыр эрттирер.
Возврат к списку
|