Тыва оолдар маадырлыы-биле амы-тынындан чарылган

28.03.2022 Украинада тускай операция үезинде Төрээн чуртун камгалаар маадырлыг мергежилди шилип алган ийи тыва оол амы-тынындан чарылган. Ол дугайында Тываның Баштыңы Владислав Ховалыг дыңнаткан: ''Чаңгыс чер-чурттугларывыс ийи оолдуң амы-тынындан чарылганының дугайында муңгаранчыг медээ келди, чонум. Бо фоточуруктарда анаа дайынчы Куулар Ай-Херел Аясович биле биче сержант Монгуш Аржаан Олегович олар-дыр.Бо аныяк оолдар Ада-чуртун камгалаар мергежилди дидими-биле шилип алган турганнар. Ынчангаш боттарының ыдыктыг хүлээлгезин күүседип тургаш, чуртунуң база чонунуң тайбың амыдыралы дээш демиселге амы-тынын өргээннер. Көңгүс чалыы, амыдыралды көрүп четтикпээн деп болур оолдарывыс дээш сагыш-сеткилдиң аарышкызын хемчээр арга чок-тур.Төрелдеринге база чоок кижилеринге ханы кажыыдалым илергейлеп тур мен. Силерниң качыгдалыңарны деңге үлежип, оолдарывыстың маадырлыг чоруунга мөгейдим. Бүгү Тываның база Россияның чону байгы сагыш-сеткилинден кажыыдалыңарга катчып турарынга бүзүреп тур мен. Маадырларывыска мөңге алдар!