Тывада кижи санынга онааштыр ортумак орулгалар 2021 чылда 6 хуу өскен

21.03.2022 2021 чылдың түңнели-биле алырга, Тывада чурттакчы чоннуң кижи санынга онааштыр ортумаа-биле акша орулгазы 6 хуу өскен. ТР-ниң Экономиктиг хөгжүлде болгаш үлетпүр яамызының республика чазаанче киирген эрткен чылдың социал-экономиктиг хөгжүлдезиниң баш бурунгаар түңнелдериниң дугайында отчетта ындыг сан-чурагайлар айыттынган. Акша-биле көргүзер болза, ол 20110 рубль болган (2020 чылда – 18972). Чурттакчы чонда бар акша орулгазы (инфляция шүүдели-биле кады, албан төлээр дадывырларны база төлевирлерни төлээниниң соонда) 0,9 хуу өскен. Чыл түңнелдери-биле алырга, организациялар ажылдакчыларынга айда санаан шалың төлевириниң ортумак хемчээли 47897 рубльга дең болган, 2020 чылдан 8,6 хуу өскен (2020 чылда – 44104 рубль). Росстаттың санааны-биле алырга, РФ-те ортумак шалың төлевири 54 588 рубль хире.